Sakshi Sunil Jadhav
पोट साफ झालं नाहीतर, संपूर्ण दिवस चिडचिड होते. कधीकधी कोणत्याच गोष्टीत मन लागत नाही. दिवसभर काही खाता येत नाही.
पुढील उपायांनी तुम्ही हाच बद्धकोष्ठतेचा त्रास विसरुन जाल. तसेच ३० मिनिटांच्या आत तुमचं पोट साफ होईल.
सकाळी रिकाम्या पोटी 1 ते 2 ग्लास कोमट पाणी रोज पित राहा. याने आतड्यांची हालचाल (bowel movement) सुधारते.
कोमट पाण्यात लिंबाचा रस आणि मध मिक्स करुन रोज प्या. त्याने पचनक्रिया सुधारते.
रात्री झोपण्यापूर्वी कोमट दुधात 1 चमचा तूप घालून प्या. त्याने आतड्यांना लुब्रिकेशन मिळतं.
1ते 2 चमचे इसबगोल कोमट पाण्यासोबत घ्या. त्याने तुम्हाला लगेच परिणाम दिसू शकतो.
केळी, पपई, सफरचंद यांसारखी फळं खाल्ल्याने पोट साफ होतं. शिवाय ती पोटासाठीही फायदेशीर आहेत.
10 ते 15 मिनिटं चाला किंवा हलका व्यायाम करा. त्याने पचनक्रिया अॅक्टीव्ह होते.
पोटावर गरम पाण्याची बॉटल ठेवा किंवा शेक द्या. त्याने स्नायू रिलॅक्स होतात आणि मलविसर्जनासाठी जास्त ताण द्यावा लागत नाही.
जर समस्या सतत होत असेल किंवा तीव्र वेदना होत असतील तर डॉक्टरांचा सल्ला घ्या. कोणतेही उपचार करण्याआधी सल्ला घेणं आवश्यक आहे. साम टिव्ही याच्याशी समर्थन करत नाही.